Урматтуу мекендештер!
Кадырлуу мусулман бир туугандар!
Сиздерди ыйык Курман айт майрамы менен жеке өзүмдүн жана “Кыргыз Петролеум Компани” жабык акционердик коомунун эмгек жамаатынын атынан куттуктайм!
Курман айт – жүрөктү тазарткан, тилди жумшарткан, коомубуздагы ынтымакты бекемдеген улуу күн. Ыйман менен гумандуулуктун баалуулуктарын камтыган, мусулман дүйнөсүндөгү ыйык майрам. Бүгүнкү күн жакшылык жасоого шыктандырууга, муктажга дем берип, Жаратканга шүгүр кылууга үндөйт. Курман айт – биримдиктин, ырайымдуулуктун символу. Алла Таалага болгон ыраазылык билдирүүнүн белгиси катары бул күнү мусулман бир туугандарыбыз курмандык чалып, Жараткан алдында милдетин аткарышат. Жасаган сооп иштериңиз кабыл болуп, кыял-тилектериңиз орундалсын. Ар бир мектендешибиздин үй-бүлөсүнө тынчтык, бакубат жашоо жана бактылуулук каалайм! Мамлекетибиз кубаттуу болуп, өсүп-өнүгүү коштоп турсун. Элибизден ырыскы кетпесин. Курман айт майрамыңыздар кутту болсун!