Урматтуу мекендештер!

Кымбаттуу мусулман бир туугандар, сиздерди Орозо айт майрамы менен чын жүрөктөн куттуктаймын! Бүгүн кубанычтуу күн, өзгөчө майрам. Өзүңүздөр билгендей, Исламда Орозо айт –  маанилүү күндүн бири. Мусулманчылыкта 5 парз болсо, анын бирөөсү орозо кармоо. Сиздер 30 күн бою орозо кармап, бүгүн куттуу күндөрдү жыйынтыктап жатасыздар. Улуу Рамазан айында руханий күч-кубат топтоп, сабырдуу болууну, Жараткан Алла Таалага шүгүр кылууну үйрөндүк жана ыйманыбызды бекемдедик. Орозодо тилеген тилектериңиздер орундалып, бул күнү таң эрте окуган Айт намазыңыздар кабыл болсун! Жаратканым журтубуздан жакшылыгын аябай, бөөдө-кырсыктан алыс кылсын. Өлкөбүздө ар дайым тынчтык, өнүгүү боло берсин!

Байгазы Матисаков,

“Кыргыз Петролеум Компани” жабык акционердик коомунун президенти