Кадырлуу мусулман бир туугандар жана мекендештер!

Сиздерди мусулмандардын ыйык Орозо айт майрамы менен чын жүрөктөн куттуктайм!

Рамазан – бул кечиримдүүлүктүн, сабырдуулуктун жана берешендиктин айы. Касиеттүү айда орозо кармоо менен Жараткан Алла Таалага болгон өз ишенимибизди бекемдеп, жан дүйнөбүздү руханий баалуулук менен толтурууга аракет жасайбыз. Жакшы ниет менен кармаган орозоңуздар кабыл болуп, тилеген тилектериңиздер орундалсын. Ар бир үйгө береке, ырыскы берсин. Рамазан айында кылган соопчулук, кайрымдуулук ишиңиздерге Алла Талаа ыраазы болсун! Элибизден ынтымак кетпей, Кыргызстанбыз өнүккөн, алдыңкы, кубаттуу өлкөгө айлансын!