“Кыргыз Петролеум Компани” нефтини кайра иштетүүчү заводунда Жалал-Абад шаардык ӨКМдин өрт өчүрүү кызматы менен биргеликте өрт коопсуздугу боюнча машыгуу өткөрүлдү. Машыгууда кызматкерлер эвакуациялоо, өрттү өчүрүү, кооптуу зоналарды изоляциялоо жана биринчи жардам көрсөтүү боюнча даярдыктарын иш жүзүндө көрсөтүштү. Машыгууга заводдун тийиштүү түзүмү, жетекчилик курам катышты. Бул машыгуу — коопсуздукту чыңдоонун маанилүү кадамы. Машыгуу аркылуу ар бир кызматкер өзүнүн ролун түшүнөт. Күтүлбөгөн кырдаалда кандай аракет кылуу керектигин үйрөнүшөт. “Кыргыз Петролеум Компани” жабык акционердик коомунун президенти Байгазы Матисаков, машыгуу соңунда ӨКМ кызматкерлерине ыраазычылык билдирип, биргеликте өткөрүлүп жаткан мындай иш-чара заводдун кызматкерлери үчүн чоң тажрыйба алмашуу деди. Компания жетекчиси белгилегендей, бул сыяктуу машыгууну мындан ары да үзгүлтүксүз өткөрүп турууну жана коопсуздукту камсыз кылуу жаатында системалуу иш алып баруу улантыла берет.